Yangilanishlar tarixi

Bu sahifada tizimda siz sezadigan o'zgarishlar yoziladi: yangi imkoniyatlar, tuzatilgan nosozliklar va ish tartibidagi qarorlar. Ichki texnik o'zgarishlar (kod tozalash, testlar) bu yerga kirmaydi.

Savol yoki taklif bo'lsa — aloqa sahifasi orqali yozing.

2026-avgust

Yangi imkoniyatlar

• Sayt uch tilda. Bosh sahifa, yo'riqnoma, FAQ, aloqa sahifasi hamda Maxfiylik siyosati va Foydalanish shartlari rus va ingliz tillariga to'liq tarjima qilindi. Tilni yuqoridagi UZ / RU / EN tugmalaridan almashtirasiz.
• Talabgor hujjatlarini qo'lda to'ldirish. Rozilik xati skan (rasm) ko'rinishida bo'lsa, OTKT xodimi ilmiy rahbar va mavzuni endi o'zi kirita oladi — avval bunday holatda ariza oldinga siljimay qolardi.
• Izlanuvchilarni Excel orqali kiritish. .xlsx fayldan ikki bosqichli import: avval ko'rib chiqasiz, keyin tasdiqlaysiz.
• Prorektor KPI paneli — nizomning 22-bandidan o'lchanadigan ko'rsatkichlar bitta ekranda.
• Ko'p rolli foydalanuvchi tanlovi eslab qolinadi. Ham ilmiy rahbar, ham kafedra mudiri bo'lsangiz, oxirgi tanlagan kabinetingiz ochiladi.
• Chorak yuklamasi ko'rinadigan bo'ldi — reja bandlari qaysi chorakka qanday taqsimlangani endi ekranda ko'rinadi.
• Hujjat ko'rigi ixtiyoriy bo'ldi. Yuklangan hujjat avtomatik qabul qilinadi; navbatda faqat shubhali fayllar qoladi. Bu kutish vaqtini qisqartirdi.

Tuzatilgan nosozliklar

• Ilmiy rahbar hujjatlari ochilmasdi — 72 ta yuklangan hujjat kabinetda «topilmadi» xatosini berardi. Hammasi tiklandi.
• Kabinetga kirishda cheksiz yo'naltirish. Ba'zi rollarda «ERR_TOO_MANY_REDIRECTS» chiqardi — endi to'g'ri sahifaga olib boradi.
• Rad etilgan ariza xodimni kabinetidan mahrum qilardi. Bir odam ham talabgor, ham ilmiy rahbar bo'lishi mumkin; endi ariza holati faqat talabgor bo'limiga ta'sir qiladi.
• Mobil ilovada kirish tiklandi va sessiya yangilanishi ekranga yetib boradigan bo'ldi.
• Ko'rinmas tugmalar — ba'zi kabinet tugmalari fonga qo'shilib ketardi. Rang kontrasti va mobil teginish nishoni kattalashtirildi.
• Monitoring sahifasi tez ochiladigan bo'ldi — eng og'ir so'rov 178 millisekunddan 30 millisekundga tushdi.

Ish tartibidagi o'zgarishlar

• Nizom sonlari yagona asosga keltirildi. «Nechta maqola kerak» degan savolga tizimning uch joyida uch xil javob bor edi. Endi yagona mezon katalogi ishlatiladi (v2, 2026-14-avgustdan).
• Doktorantlar uchun 4 ta maqola, DSc uchun Scopus talabi tenglashtirildi.
• Dalilsiz «bajarildi» qabul qilinmaydi. Scopus/WoS da'vosi ham dalil talab qiladi.
• Mustaqil izlanuvchi bandlariga vazn berildi — hisobot bahosi bandning haqiqiy og'irligini hisobga oladi.
• Kafedralar reyestri tozalandi — 112 yozuvdan 52 haqiqiy kafedra ajratildi, qolganlari boshqa turdagi bo'linmalar edi.

2026-iyul

• Prorektor kabineti ochildi — reja va hisobotlarni yakuniy tasdiqlash yo'li to'liq ishlaydi.
• Ilmiy rahbar vizasi olib tashlandi (ega qarori, 11-avgust): zanjir qisqardi, hisobot rahbarda kutib qolmaydi.
• Kafedra mudiri kabineti barcha kanalda darhol ochiladi.
• Hisobot muddati ikkinchi chorak uchun 31-iyulga ko'chirildi.
• Telegram bot orqali xat kuzatuvi — yuborilgan xabar o'qilgani va bajarilgani ko'rinadi.

Eslatma

Tizim doimiy takomillashtirilmoqda. Agar biror narsa kutilganidek ishlamasa yoki tushunarsiz bo'lsa, aloqa sahifasi orqali xabar bering — har bir murojaat ko'rib chiqiladi.